ब्युटी न्युज नेपाल
काठमाडौं, १८ जेठ,
दुई सातादेखि अस्प्तालमा कोरोनाको उपचाररत विवेकशील साझा दलका नेता उज्वल थापाको ४४ वर्षको उमेरमा आज निधन भएको छ । मेडिसिटी अस्पतालमा उपचारका क्रममा मंगलबार अपराहृन ४ बजेर २५ मिनेटमा निधन भएको सो अस्प्तालले जनाएको छ ।
अस्पतालका अनुसार थापाको सोमबार गरिएको पीसीआर टेष्टको नतिजा नेगेटिभ आएको भए पनि शरीरका अंगहरुले प्रभावकारी काम गर्न नसकेको र जटिल संक्रमणका कारा स्वास्थ्य स्थितिमा परिवर्तन आउन सकेको थिएन ।
कोभिड–१९ संक्रमणसँगै गम्भीर विरामी परेका थापालाई सुरुमा ग्राण्डी अस्पताल भर्ना गरिएको थियो । उनको स्वास्थ्यमा सुधार नआएपछि १४ जेठमा उनलाई मेडिसिटी ल्याएर इक्मो प्राविधिबाट उपचार गरिएको थियो ।
मेडिसिटी अस्पतालद्धारा जारी वक्तव्यमा भनिएको छ, ‘चिकित्सकहरुको अथक प्रयास र सबैको सुभेक्षाका बाबजुद उहाँको शारिरीक अवस्था सुुदृढ हुन सकेन । मंगलबार अपराहृन ४ बजेर २५ मिनेटमा उहाँको असामयिक निधन भएको अवगा गराउँदछौं ।’ परिवारले उनको अन्त्येष्टि साधारण पारिवारिक तवरले सम्पन्न गर्ने इच्छा राखेको परिवार तथा शुभेक्षुकको तर्फबाट जारी वक्तव्यमा उल्लेख छ ।
