ब्युटी न्युज नेपाल
काठमाडौंँ, २२ चैत
‘मिस एण्ड मिसेज डिश्याबिलिटी क्वीन २०२१’को शिर्ष उपाधि रुपा पहाडी र रजनी राईले जितेका छन् । शनिबार ललितपुरमा सम्पन्न प्रतियोगितामा रुपाले मिसेस र रजनीले मिस तर्फको शिर्ष उपाधि हात पारेका हुन् ।
प्रतियोगितामा डीना खत्री फष्ट रनरअप र सरीता कोइराला सेकेन्ड रनरअप चुनिए । विजेता दुई जनाले जनही १५, हजार रुपैयाँ, फस्ट रनर अपले १० र सेकेन्डढ रनप अपले ५ हजार रुपैयाँ सहित बिभिन्न उपहार पाए ।
अपाङ्गता भएको ब्यक्तिहरुको क्षमता र उहाँहरुमा लुकेर रहेको प्रतिभा निखार्ने र सामाजमा उनीहरुलाई फरक चिनारी बनाउन सहयोग पुर्याउने उदेश्यले आयोजित यस्तो प्रतियोगिता नेपालमै पहिलो पटक आयोजना भएको हो ।
ग्रिन आर्ट मिडिया प्रा.लिले सांस्कृतिक समाज नेपालको सहकार्यमा आयोजना रहेको प्रतियोगितामा बेष्ट स्माइल रुपा पहाडी, बेष्ट डिसिप्लेन मीरा तामाङ, मष्ट ट्यालेन्टेड संगीता मागी, मोस्ट फोटोजेनिक टीना महर्जन, मस्ट अमाजिनो मीना शर्मा, बेष्ट फर्सनालिटी निर्मला भण्डारी, मस्ट हम्बल अनु राई, मष्ट फ्रेन्ड्ली सरिता कोइराला, मस्ट ग्ल्यामर गंगा छन्त्याल, मष्ट कन्फिडेन्ट तुलसा थापा मगर, बेष्ट स्क्रिन रजनी राई र मष्ट ब्युटिफुल अस्मी दुलालले हात पारे ।
एलिना शाक्य तुलाधर कोअडिनेटर, परि श्रेष्ठ बोड मेम्बर रहेको प्रतियोगिताबाट उठेको रकम ५० हजार सांस्कृतिक समाज नेपाल (सि.एम.पि.डि नेपाल)लाई सहयोगको रुपमा प्रदान गरिएको थियो ।
ग्रिन आर्ट मिडियाका सिइयो प्रविन लाकौलले आपाङ्गता भएको ब्यक्तिलाई पनि समाजमा अगाडि ल्याउनुपर्छ भनेर प्रतियोगीता आयोजना गरिएको बताए । प्रतियोगिता नेपालकै लागि ऐतिहासिक भएको दाबी उनको रहेको छ । प्रतियोगीताको कोरियोग्राफी अनिला श्रेष्ठले गरेकी थिइन् ।
पुर्व मिस नेपाल इभाना मानन्धर, ब्यवसायी सीमा जोशी, प्रेरणा मरासैनी प्रधान, किशोर भक्त श्रेष्ठ, सांस्कृतिक समाज नेपाल (सि.एम.पि.डि नेपाल)का सभापति सरिता थुलुङ्लगायत निर्णायक थिए । प्रतियोगितामा रविन्द्र प्रताप शाह मुख्य अतिथिका रुपमा रहेका थिए ।
