ब्युटी न्युज नेपाल
काठमाडौं, १० मंसिर
मुलुकमा सडक दुर्घटनाको क्रम नरोकिएपछि सवारीसाधन चाकललाई सन्देश दिने उदेश्य सहित नयाँ गीत रातो बत्तीमा रोकिने हरियो हिँडने…को भिडियो रिलिज गरिएको छ । पाँच वर्ष अघि बनाएको यो गीतलाई फेरी नयाँ संगीत संयोजन र पुन रेकर्डिङ सहित नयाँ भिडियो बनाएर रिलिज गरिएको हो ।
भिडियोलाई रिलिज भएको केही दिनमै १७ लाख पटक युट्युवमा हेरिसकिएको छ । चेतनामुलक गीत यती धेरै पटक यस अघि नहेरिएको गायक सरोज ओलीको दाबी छ । गीतमा ट्राफिक नियम सम्बन्धि जानकारी दिईएको छ ।
संगीतकार जुगल डंगोलको संगीतमा यो गीतलाई रेकर्ड गरिएको छ । यही गीतबाट आधा दशक अघि गायन यात्र सुरु गरेका सरोज ओलीले यो नयाँ भर्सन पनि आफैंले गाएका छन् । यो नयाँ गीतमा सरोज ओली र एलिना चौहानको स्वर रहेको छ । गीतलाई बाबुराम दाहालले लेखेका हुन् । नयाँ गीतमा श्यामश्वेत रसाईलीको संगीत संयोजन रहेको छ ।
गीत तथा भिडियोलाई शुभ मिडिया होमले निर्माण गरेको हो । यो गीतको भिडियोलाई गज्जवको अनलाईन टिभीबाट रिलिज गरिएको छ ।
सहिन प्रजापतिको निर्देशनमा यो गीतको भिडियो तयार गरिएको छ । जसमा गायक सारोज ओली सहित अभिनेत्री रेजिना उप्रेती, कलाकारहरु सहिन प्रजापति, जिवेश सिंह गुरुङ, सुनिसा बज्गाईं, कुशल बिष्ट, अनिता बस्नेत, आस्मा गिरीको मुत्य भूमिका छ । बालकृष्ण ओलीको संयोजनमा तयार भएको यो गीतको भिडियोलाई गोकुल अधिकारीले छायाँकन, अमन मानन्धरले सम्पादन, रेनिस फागोले रंग संयोजना गरेका हुन् ।
