ब्युटी न्युज नेपाल
काठमाडौं, ११ असोज
चलचित्रमा अभिनय गर्ने घोषणा गरेको केही समय नहुँदै गायक दुर्गेश थापा एक महत्वपूर्ण भूमिकामा नयाँ फिल्म ‘ए मेरो हजुर ४’मा जोडिएका छन् । सो फिल्ममा आईतबार उनी गायक र मुख्य एक भूमिकामा अनुबन्धित भएका छन् । यो चलचित्रमा अनमोल केसी र सुहाना थापाको मुख्य भूमिका रहेको छ ।
यो चलचित्रको छायाँकन आगामी शुक्रबारबाट सुरु गर्ने यसका निर्माता सुनिल कुमार थापाले बताएका छन् । यो चलचित्रको फागुनमा २५ प्रतिसत छायाँकन गरिएको थियो । अब बाँकी छायाँकन दशैंसम्म सक्ने लक्ष्य आफुहरुको रहेको पनि निर्माता थापाले बताएका छन् ।
यो चलचित्रमो दुर्गेशले एउटा गीत गाउने भए पनि उनको भूमिकाबारे खुलाईएको छैन । यो चलचित्रलाई झरना थापाले निर्देशन गर्दैछिन् । निर्देशक तथा अभिनेत्री झरना थापाका अनुसार ए मेरो हजुर ४ का लागि गायक र अभिनेताको रुपमा दुर्गेश आईतबार अनुबन्धित भएका हुन् । झरनाका अनुसार दुर्गेश यो फिल्ममा एउटा प्रभावशाली भूमिकामा प्रस्तुत हुँदैछन् ।
