ब्युटी न्युज नेपाल
काठमाडौं, २५ भाद्र
पाईँदैन मुक्ति जीवन संघर्षदेखि भागेर
आफ्नै मनको अन्तरद्धन्द्ध देखि तर्सेर
आज १० सेप्टेम्बर अर्थात विश्व आत्महत्या रोकथाम दिवस । यही दिवसको अबसर पारेर चर्चित युवा गायक तथा संगीतकार राज सागरले नयाँ गीत पाईँदैन मुक्ति…को लिरिकल भिडियो बजारमा ल्याएका छन् ।
नेपालमा कोरोना सँक्रमणको महामारी फैलिएसँगै आत्महत्य गर्ने क्रमपनि बढेपछि आफुले यो गीत तयार गरेर भिडियो बजारमा ल्याएको राजले बताएका छन् । गीत निकै मार्मिक बनेको छ । यो गीतले मानिसलाई नयाँ जीबन बाँच्न प्रेरित गर्ने विश्वास राजको छ । गीतमा जीवनको महत्व दर्शाउने प्रयास गरिएको छ ।
यो गीतमा संगीत पनि राज सागरले गरेका हुन् । यो गीतलाई कृष्णबहादुर थापाले लेखेका हुन् । यो गीतको संगीत संयोजन उदयराज पौडेलको हो । चन्द्र चौधरीले संगीत मिश्रण गरेको यो गीतलाई भ्वाईस अफ नेपाल स्टुडियो डिल्लीबजारमा रेकर्ड गरिएको हो ।
गीतको लिरिकल भिडियो बोन प्रोडक्सनको युट्युव च्यानलबाट रिलिज गरिएको छ ।
