ब्युटी न्युज नेपाल
काठमाडौं, ११ चैत
नेपालमा दुई ओटा अन्तराष्ट्रिय अवाडी जितिसकेको केदार श्रेष्ठ निर्देशित सर्ट फिल्म जुनुको जुत्ता दुई ओटा अन्ताराष्ट्रिय फिल्म महोत्सबमा छानिएको छ ।
जर्मको ‘इन्टरनेशनल सर्ट फिल्म फेस्टिभल ओवरहउसेन’को ६६ औं संस्करण र ‘सिंगापुर इन्टरनेशनल चिल्ड्रेन्स फिल्म फेस्टिभल २०२०’ मा चयन भएको हो । जुनुको जुत्ता ओवरहउसेनको २०२० को संस्करणमा छनौट भएको हो ।
काठमाडौं अन्तर्राष्ट्रिय पर्वतीय चलचित्र महोत्सव २०१९ मा नेपाल पनोरमा अन्तर्गत ‘बेस्ट फिक्सन अवार्ड’ र माघमा भएको नेपाल अन्तर्राष्ट्रिय चलचित्र महोत्सव २०२० मा ‘स्पेसल जुरी मेन्सन अवार्ड’ बाट यो फिल्म पुरस्कृत भईसकेको छ । फिल्ममा सोलुखुम्बुकी ५ वर्षीय हिस्सी लामा, याङ्जी लामा शेर्पा, पासाङ ल्हमू लामा लगायतको अभिनय छ ।
विश्वकै पुरानो अन्तर्राष्ट्रिय चलचित्र महोत्सवमा ओवरहउसेन पर्दछ । यो महोत्सबमा विश्वभरीबाट आवेदन गरेको ६५ सयभन्दा बढी फिल्महरुबाटबाट उत्कृष्ट एक सय फिल्म चयन भएका छन् । जसमा एसियाबाट १९ फिल्म छनौटमा परेको छ । मेमा हुने यो महोत्सब कोरोना सँक्रमणका कारण अब केही समयपछि आयोजना हुनेछ ।
सन् १९५४ देखि जर्मनीमा आयोजना हुँदै आएको इन्टरनेशनल सर्ट फिल्म फेस्टिभल ओवरहउसेनमा जर्मनी प्रतिष्पर्धा बाहेक अन्तर्राष्ट्रिय प्रतिष्पर्धामा एक सय फिल्म छनौट गरिन्छ । जसमा ‘जुनुको जुत्ता’ अन्तर्राष्ट्रिय प्रतिष्पर्धाको ‘चिल्ड्रेन्स एण्ड युथ फिल्म कम्पिटिशन’ विधा अन्तर्गत छनौट भएको हो । महोत्सवमा ११ सय भन्दा बढी अन्तर्राष्ट्रिय फिल्म मेकरहरुको जमघट हुने गरेको छ ।
जुनुको जुत्ता अर्को फिल्म महोत्सव ‘सिंगापुर इन्टरनेशनल चिल्ड्रेन्स फिल्म फेस्टिभल २०२०’ मा पनि छनौट भएको छ । यस फेस्टिभलको दशौं संस्करणमा ‘जुनुको जुत्ता’ लाइभ–एक्सन सर्ट फिल्म विधा अन्तर्गत छनौट भएको यसका निर्देशक केदार श्रेष्ठले जानकारी गराएका छन् ।
‘बिग आइज बिग माइन्डस्ः सिंगापुर इन्टरनेशनल चिल्ड्रेन्स फिल्म फेस्टिभल’ बालबालिकाप्रति समर्पित सिंगापुरको पहिलो र एकमात्र चलचित्र महोत्सव हो ।
‘जुनुको जुत्ता’ जुत्ता’ चप्पल उल्टो लगाउने सानी नानीको कथा हो । आफ्ना वरिपरीका आमा, शिक्षक लगायत ठूलाठालूले भन्ने गरेका कथित ‘सुल्टो’ नलगाउँदा पाएको नमीठो गालीपछि उनले जुत्ता उल्टो नलगाउन गरेको उपायको खोजी फिल्ममा प्रस्तुत छ ।
