ब्युटी न्युज नेपाल
काठमाडौ, १३ मँसिर
नेपाली चलचित्र, वृत्तचित्र एवं लघुचलचित्रको प्रवद्र्धन गर्ने उदेश्यले सन् २०१८ देखी पावर ईन्टरनेशनल मिडिया नेपाल (पिम नेपाल) ले सुरु गरेको पिम नेपाल फिल्म फेष्टिवल यसपटक धनगढीमा आयोजना हुने भएको छ ।
गत वर्ष काठमाडौको भृकुटीमण्डपमा पौष २, ३ र ४ मा आयोजना भएको यो फेस्टिबल यस वर्ष सुदुरपश्चिम प्रदेशको राजधानी धनगढीमा आगामी पौष २४, २५ र २६मा आयोजना हुने आयोजक माधवराज खरेलले जानकारी गराए ।
विभिन्न यथार्तपरक विषय, क्षेत्र, संस्कृति, संस्कार, सुन्दरता, व्यक्तित्व, विकास निर्माण, स्वास्थ्य, शिक्षा लगायत विभिन्न विषयहरु संग सम्वन्धित रहेर सचेतना, जानकारी एवं प्रचारका लागी काम गर्ने फिल्म मेकर्सहरुलाई प्रोत्साहन गर्दै आईरहेको यस कार्यक्रमले यस पटकवाट स्थानिय स्तरमा वसेर भाषा, भेषभुषा र संस्कृति लागी काम गरेका फिल्म निर्मातालाई पनि समेट्ने उदेश्य लिएको खरेलले बताए ।
महोत्सबमा नेपाली कथानक चलचित्र, वृत्तचित्र, लघुचलचित्र को प्रदर्शनी समेत गरिने भएको छ । महोत्सवमा नेपाली कथानक चलचित्र तर्फ हाँस्य र समाजिक गरी २ विधाका लागी निर्देशक, लेखक, नायक÷ नायिकाको प्रतिष्प्रधा हुनेछ ।
वृत्तचित्रतर्फ पर्यटन, मानवअधिकार, सामाजिक उत्तरदायित्व लगायतका विषयमा प्रतिष्प्रध हुनेछ । जसमा निर्देशक, लेखक ,स्वरांकन, छाँयांकार लगायतका रहनेछन् । त्यस्तै लघु चलचित्र तर्फ निर्देशक र नायक ÷ नायिकाको विधामा प्रतिष्प्रधा हुने र विजेतालाई अवार्ड समेत प्रदान गरिने आयोजक पक्षले जानकारी गराएको छ ।
फिल्म मेकर्सहरुलाई अन्तराष्ट्रिय स्तरको चलचित्र, वृत्तचित्र, लघुचलचित्र निर्माण गर्न प्रोत्साहन गर्दै पर्यटन वर्ष २०२० लाई भव्य रुपमा स्वागत गर्न यस्ता कार्यक्रम फलदायी हुने विश्वास लिईएको
पनि आयोजक खरेलले बताए ।
कार्यक्रमको समापन २६ गते शनिवार धनगढी रंगशालामा एक भव्य सांगीतिक कार्यक्रममा वीच समापन गरिने र जसमा नेपालका ख्याति प्राप्त गायक÷गायिका, नायक÷नायिकाको उपस्थिति रहने पनि संस्थाका अध्यक्ष माधव राज खरेलले वताए ।
