ब्युटी न्युज नेपाल
काठमाडौं, १९ असार
अवार्ड गरेर नेपालको करिब ५० करोड भारत लैजाने तयारीका साथ बसेका इन्टरनेसनल इन्डियन फिल्म अवार्डका आयोजकहरु बिहिबार भारत फर्किएका छन् । काठमाडौंमा २० औं आईफा अवार्ड गर्ने भनेर आयोजक विजक्राफ्ट इन्टरनेशलनका पदाधिकारीहरु एक महिना भन्दा लामो समयदेखि तयारीका लागि बसिरहेका थिए ।
जनसमुदायबाटै अवार्डको व्यापक बिरोध भएपछि बाबपछि मुख्य प्रयोजकका रूपमा रहेको नेपाल पर्यटन बोर्डले बुधबार सो अवार्डको कार्यक्रम नेपालमा नगर्ने निर्णय गरेको हो । सो घोषणासँगै नेपालमा यो अवार्ड नहुने भएको छ ।
यही अगस्टमा सो अवार्ड कार्यक्रम काठमाडौंमा गर्ने भन्दै तीन दिन पछि नेपाल पर्यटन बोर्ड र काठमाडौं महानगरपालिकासँग करिब ४५ मिलियन अमेरिकी डलरमा अवार्ड आयोजना सम्झौता गर्न भनेर आयोजक पक्ष काठमाडौंमा बसिरहेको थियो ।
यता आइफा अवार्डको कार्यक्रम हाललाई नेपालमा गर्न नसकिने निर्णयमा पुगेको नेपाल पर्यटन बोर्डका प्रमुख कार्यकारी अधिकृत दीपकराज जोशीले जब बुधबार बताए । त्यसपछि आयोजकहरु तितर वितर भएका हुन् ।
जोशीले ‘आइफा अवार्ड यो वर्ष गर्न नसके पनि पूर्वाधार तयार भएको खण्डमा आगामी वर्षमा नेपालमा आयोजना गर्न सकिनेछ,’ भन्दै उनीहरुलाई अहिले अवार्ड नगर्ने स्पष्ट पारेका छन् ।
मन्त्रिपरिषद्ले गत ८ साउनमा सो कार्यक्रमका लागि सम्बन्धित मन्त्रालय र चलचित्र विकास बोर्डमार्फत आयोजक संस्था बिजक्र्याफ्टलाई अनुमतिसमेत दिएको थियो । मन्त्रिपरिषद्को ८ साउनको निर्णयमा ‘पर्यटन बोर्डको नेतृत्व र काठमाडौं महानगरपालिकाको सहआयोजनामा आइफा अवार्ड गर्न स्वीकृति दिने’ उल्लेख छ ।
यसरी स्वीकृति पाएपछि आईफा अवार्डका लागि विजक्राफ्टका सञ्चाकहरु ढुक्क थिए । अरु देशमा कार्यक्रम स्थल र अनुमति पाएको भरमा अवार्ड गर्ने यो समुहले नेपालमा सबै खर्च सरकारले गरिदिएर पनि ५० मिलियन अमेरिकी डलर (नेपाली ५० करोड भन्दा बढी) रकम माग्दै आएको थियो ।
यता सञ्चार तथा सूचना प्रविधिमन्त्री गोकुल बाँस्कोटाले सोमबार चलचित्र विकास बोर्डको १९औं वार्षिक उत्सवलाई सम्बोधन गर्ने क्रममा आइफा अवार्डलाई सरकारले पैसा नदिने बताएका थिए । त्यसपछि पर्यटन बोर्डलाई गाह्रो परेको हो ।
संसदको अन्तराष्ट्रिय सम्बन्ध समितिले मँगलबार समितिमा अवार्डमाथि छफफल गर्दै यो अवार्ड मुलुकको अहितमा रहेको दाबी गरेको थियो । सो समितिले यो अवार्ड तत्काल रोक्न सरकारलाई निर्देशन दिएको थियो ।
