ब्युटी न्युज नेपाल
काठमाडौं, १८ असार
चलचित्र ‘सानो मन’को शिर्ष गीत सानो मन…लाई रेकर्ड गरेर त्यसको भिडियो पठाउन निर्माण पक्षले दर्शकलाई आह्वान गरेको छ । यही २७ असारबाट मुलुकका सिनेमा हलमा प्रदर्शनमा आउने यो चलचित्रको शिर्ष गीतमा अभिनेता आयुष्मान देसराज जोशी र अभिनेत्री शिल्पा मास्केको अभिनय छ ।
‘सानो मन’ टीमले यो गीतपति दर्शकको बढ्दो आकर्षणलाई ध्यानमा राखेर गायन प्रतियोगिता आह्वान गरेको हो । यस चलचित्रको शिर्ष गीत गाएको भिडियो पठाउने मध्ये उत्कृष्ट एक जनाले गायक रोहितजोन क्षेत्रीसँग गीत गाउन पाउनेछन् पनि निर्माण पक्षले घोषणा गरेको छ ।
गीतको भिडियो पनि ‘सानो मन’ टीमले निर्माण गर्नेछ । निर्णायकमा गायक क्षेत्री स्वयं छन् । नयाँ प्रतिभालाई प्रोत्साहन गर्न यो कन्टेस्टको घोषणा गरिएको निर्माण पक्षको भनाई छ । शिर्ष गीतमा रोहित जोन क्षत्रीको स्वर र स्वप्निल शर्माको शब्द छ । यसमा सुयोग सोताङ्गले संगीत गरेका हुन् । हाईटेक इन्टरट्रेनमेन्टको युट्युबमा यस गीतको भिडियोलाई दर्शकले निकै रुचाएका छन् ।
सानो मनमा आयुष्मान र शिल्पासँगै सक्षम कृष्ण सुवेदी, गौरी मल्ल, विशाल पहारी, शिशिर वाङदेल, रश्मी भट्ट, देव कुमार श्रेष्ठ लगायतका कलाकारहरुको मुख्य भूमिका छ । ओ.पि.जी फिल्मस, ए प्लस इन्टरटेन्मेन्ट र हाई टेक इन्टरटेन्मेन्टको संयुक्त ब्यानरमा निर्माण भएको यो चलचित्रमा सुयोग गुरुङ र मिलन श्रेष्ठले सम्पादन गरेका छन् । जसमा समिर सुनुवार र निर्देशक गुरुङको संयुक्त लेखन, आलोक शुक्लाको छायांकन छ । सानो मनलाई योगेश गुरुङ, राजीव श्रेष्ठ, रमेश के. मित्तल र राजेन्द्र मानन्धरसँयुक्त निर्माण गरेका हुन् ।
यसैबीच टीमले राजधानीदेखि मोफसलसम्म फिल्मको प्रचार भ्याइसकेको छ । म्यूजिकल लभस्टोरीमा निर्मित चलचित्रले बक्सअफिसमा राम्रो व्यापार गर्ने अनुमान गरिएको छ ।
https://www.youtube.com/watch?v=IViF_GvPZz8
