ब्युटी न्युज नेपाल
काठमाडौं, १२ फागुन
गायक भुवन प्यासीको नया गीत माईली…को भिडियो सार्वजनिक भएको छ । निकै मार्मिक यो गीतमा गायक भुवन प्यासीको नै शब्द र संगीत रहेको छ । गीतमा भुवन प्यासीलाई स्वरमा सुरुचि पन्थीले साथ दिएकी छिन् ।
निकै मार्मिक गीतको भिडियोमा पछिल्लो समय निकै चर्चामा रहेकी मोडल अञ्जली अधिकारीको अभिनय रहेको छ । गीतमा अञ्जलीसंगै गायक प्यासीको पनि अभिनय रहेको छ । परदेशमा काम गरेका श्रीमानले आफ्नो श्रीमतीको सम्झनामा झारेको आँशु र वेदना भिडियोमा देख्न सकिन्छ ।
गीतको म्युजिक भिडियो निकेश खड्काले निर्देशन गरेका हुन्। उत्तम हुमागाईको छायांकन रहेको यस गीतमा सन्तोष सुनारको ड्रोन चलाएका हुन् । भिडियोलाई विकास धमलाले सम्पादन गरेका हुन् । गायक भुवन प्यासीको ‘हल्का हल्का…’ ,ट्राफिक जाम… जस्ता सफल गीतहरु बजारमा लिएर आईसकेका छन् ।