व्युटी न्युज नेपाल
काठमाडौं २० कात्तिक
अघिल्लो गीत हुकुम बक्सियोस…को चर्चापछि चलचित्र ‘सुश्री सम्पति’ को दोस्रो गीत झुम्की…को भिडियो तिहारको अबसर पारेर मँगलबार बेलुका भक्तपुरमा एक समारोहबीच रिलिज गरिएको छ । पत्रकार सुब्रतराज आचार्यको निर्देशनमा तयार भएको यो चलचित्र २८ मंसिरबाट रिलिज हुँदैछ ।
सुरेश अधिकारीको शब्द र संगीत रहेको यो गीतलमा मिना निरौला र राजन इशानले स्वर दिएका छन् । झुम्की… गीत र यसको भिडियोले दर्शक तथा श्रोतालाई नचाउनेमा निर्माण पक्षको विश्वस्त छ ।
सार्वजनिक गीतको भिडियोमा प्रियंका कार्कीको कामुक नृत्य छ । उनीसँगै सलोन बस्नेत, बिनोद न्यौपाने र प्रमोद अग्रहरीको पनि नृत्य रहेको छ । तिहारको कोसेली स्वरूप दर्शकलाई उपहार दिइएको गीतलाई कविराज गहतराजले निर्देशन गरेका छन् । सार्वजनिक हुकुम बक्सियोस गीतले दर्शक तथा श्रोताको मन जित्दै यही चलचित्रको अर्को गीत झुम्की…सर्वजनिक गरिएको निर्देशक आचार्यले बताए ।
रमेश त्वायना प्रस्तुतकर्ता रहेको सुश्री सम्पत्तिको कथा पनि निर्देशक आचार्यकै हो । फिल्मको निर्मातामा विज्ञान राई, नुनम सुब्बा र रमन सिलाकार रहेका छन् । यो चलचित्रमा सलोन बस्नेत, सारा सिर्पाली, बिनोद न्यौपाने, प्रमोद अग्रहरी, राजाराम पौडेल, विशारद बस्नेत, सुनिता श्रेष्ठ ठकुरी लगायतका कलाकारहरु मुख्य भूमिकामा छन् ।
