कुईनेटोवाट खरेलले जिते निर्देशकको अवार्ड

ब्युटी न्युज नेपाल
काठमाडौं, १८ मँसिर

नेपाल कल्चरल इन्टरनेशनल फिल्म फेस्टिवलको तेश्रो संस्करणमा नेपाली चलचित्र निर्देशकको अवार्ड चलचित्र कुईनेटोवाट निर्देशक माधव राज खरेलले जितेका छन् । काठमाडौंको चावहिल स्थित चलचित्र विकाश बोर्डका हलमा तीन दिन देखि चलेको यो महोत्सब अवार्ड प्रदान गर्दै सम्पन्न भएको छ । महोत्सवमा कल्चरल फिल्म डाईङ क्याण्डल, फिचर फिल्म कथा ७२, डकुमेन्ट्रि फिल्म एउटा फरक कथा, वुमेन फिल्म द कन्फ्युजन, चिल्डेन फिल्म अ स्केयर क्रो, सर्टफिल्म फिट द्याट टच नेशन, इन्भारोमेन्ट फिल्म द वइन्टर ट्याप, जुरी अवार्ड धुलोबाट प्रधुम्न मिश्र, विषेश वुमेनफिल्म इन्द्रायाणीबाट दर्शनवीर शाक्य, चोरखाते फिल्मका कृष्ण भण्डारीले रिकग्निशन अवार्ड र सिया फिल्मका मिरा गुरुङले स्पेशल मेन्सन फिल्म अवार्ड प्राप्त गरे ।

त्यस्तै अन्तराष्ट्रिय विधा अन्तर्गत मानवाधिकार फिल्म कुम गेसी (टर्की), फीचर फिल्म मार्केट (भारत), वृत्तचित्र फिल्म द खे सेन पीस गार्डन (भियतनाम), एनिमेशन फिल्म बडीज द्याट फाइट (चिली), वुमेन फिल्म फेमिनाईजेसन (लेबनान), चिल्ड्रेन फिल्म कर्मा (ईरान), सर्ट फिल्म द ट्यालेन्ट (रसियन फेडेरेसन), जूरी च्वाईस फिल्म मन्नू (भारत), विशेष फिल्म सेनाइ (भारत)ले प्राप्त गरेको छ । यस्तै स्पेशल मेन्सन फिल्म अन्टार्कटिका (बुल्गारिया)। स्पेशल मेन्सन फिल्म सरिता (नेपाल), रिकग्निशन फिल्म अर्थ इज होम (ट्यूनीसा), रिकग्निशन फिल्म फायर अफ टीक फ्लेम अफ चिनार (भारत)ले उक्त महोत्सवमा उत्कृष्ट अवार्ड जित्न सफल भएका थिए ।

नेपाली चलचित्र जगतलाई अन्तराष्ट्रिय चलचित्र क्षेत्रसंग जोड्ने एवं नेपाली चलचित्र, कला र संस्कृतिलाई विश्वसामु चिनाउने उदेश्यले आयोजना गरिएको यो चलचित्र महोत्सवमा विभिन्न ५० देशका १०७ वटा चलचित्र, वृत्तचित्र एवं एनिमेशन, लघुचलचित्रहरुले प्रतिष्प्रर्धात्मक सहभागीता जनाएका थिए ।

नेपाल कल्चरल फिल्मी सेन्टरको आयोजनामा मंसीर १५ देखी १७ गते सम्म तीन दिन संचालन भएको कार्यक्रममा आयेजनामा सहभागीता जनाएका विभिन्न चलचिहरुको प्रर्दशनी गरिएको नेपाल कल्चरल फिल्मी सेन्टरका अध्यक्ष एवं फेष्टिवलका निर्देशक सन्तोष सुवेदी वताएका थिए ।

कार्यक्रममा कलाकार प्रेम पाण्डे, पेजेन्ट डाईरेक्टर निशकान्त झा, समता फाउन्डेशनका दिपक संजेल, पत्रकार राजन थापा लगाएतका ब्यक्तिहरुलाई आयोजक सम्मान समेत प्रदान गरेको थियो ।

यो महोत्सब यूवा तथा खेलकुद मन्त्री महेश्वर जंग गहतराजको प्रमुख आतिथ्यतामा सम्पन्न भएको थियो । समापन समारोहमा २५ वटा विधामा अवार्ड प्रदान गरिएको थियो । महोत्सबमा ऋषि लामीछाने, दिनेश राउत, बिष्णु प्रसाद सुवेदी, उत्तम न्यौपाने, शितल के.सी. लगाएतका नेशनल जुरी र डेभिड विल्सन, बोर्जे लुम्बर्ग, योङ उ किम, विलजान टुटोरोभ, मिया माईल्जर, रादा सेसिक लगायतका ईन्टरनेशनल जुरीहरु थिए ।