ब्युटी न्युज नेपाल
काठमाडौं, २२ बैशाख
अमेरिकाको रियालिटी शो अमेरिकन आईडल २०२० मा अथर गनका नामले परिचित नेपाली युवा दिवेश पोखरेल उत्कृष्ट १० मा पुगेका छन् । कोरोना सँक्रमणका कारण अनलाईन बाटै आफ्नो गीत प्रस्तुत गरेका दिवेशले जोन डेनभरको चर्चित गीत ‘कन्ट्री रोड’ गाउँदै आफुलाई उत्कृष्ट १० मा परेका छन् ।
उनको यो गीत प्रस्तुतिको पनि निर्णयकहरुले खुलेर प्रसँसा गरे । बब मार्लिन र जोन डेनभरको गीत दिवेशले साह्र्रै राम्ररी प्रस्तुत गर्ने गरेको निर्णयकहरुले बताए । उनलाई अघिल्लो राउन्ड उत्कृष्ट ५ मा पर्न पनि निर्णयकहरुले शुभकामना दिए । गायक दिवेशले सो क्रममा धन्यबाद ज्ञापन गरे । आफु उत्कृष्ट १० मा पुगेपछि उनले सबै सहयोगीलाई धन्यबाद ज्ञापन गरेका छन् । ६ वर्ष अघि उच्च शिक्षाको लागि अमेरिका गएका दिवेश काठमाडौं निवासी हुन् । उनी २ वर्ष यताबाट अमेरिकामा सँगीतमा सक्रिय छन् ।