ब्यटुी न्युज नेपाल
काठमाडौं, १५ बैशाख
नेपाल चलचित्र निर्देशक समाजले अहिले काठमाडौंमा रहेर छाक टार्न समस्या परेका निर्देशक तथा सह निर्देशकहरुलाई राहत प्रदान गर्ने घोषणा गरेको छ ।
कोरोनाका कारण मुलुक ३५ दिन देखि लक डाउनमा रहेको बेला चलचित्रको काम बिगत लामो समय देखि ठप्प छ । जसका कारण कैयौं निर्देशक तथा सह निर्देशकहरु अहिले काम बिहिन अबस्थामा छन् । कतीपय निर्देशक तथा सह निर्देशकहरुलाई छाक टार्न समस्या परेपछि आफुहरुले राहत घोषणा गरेको समाजले एक विज्ञप्ति मार्फत जनाएको छ ।
निर्देशक समाजको सोमबार बसेको भर्चुअल बैठकले यस्तो निर्णय गरेको हो । सो ज्ञिप्तिमा भनिएको छ,‘कोरोना संक्रमणको महामारीको अवस्थामा चलचित्र क्षेत्रको निर्देशन विधामा काम गर्ने सहायक निर्देशक, मूख्य सहायक निर्देशक वा निर्देशकज्यूहरुलाई यस महामारीको कारणबाट दैनिक खानपान र स्वास्थ्यको समस्या पर्न गएको खण्डमा यथाशिघ्र सम्पर्क गर्न आग्रह गर्दछौं ।’ समाजबाट राहत लिने निर्देशकहरुको नाम गोप्य राखिने पनि निर्देशक समाजको विज्ञप्तीमा उल्लेख छ ।
